Payshanba, 22.02.2024, 17:15

Приветствую Вас Mehmon | RSS

Главная » 2013 » Dekabr » 16 » ODAMLAR HAQIDA
22:24
ODAMLAR HAQIDA
Ichida it xurgan odamlar,
Aybim izlab yurgan odamlar.
Sizga yordam bergim keladi,
Meni yomon ko’rgan odamlar.

Kimga nomu nishonim yoqmas,
Yo Bag’dodim, Qo’qonim yoqmas,
Erta olgan unvonim yoqmas,
Meni yomon ko’rgan odamlar.

Davrangizga kira olmayman,
Kirsam ko’nglim yora olmayman.
Sizga talant bera olmayman,
Meni yomon ko’rgan odamlar.

Osay deysiz, sirtmog’ingiz yo’q,
Uray deysiz, to’qmog’ingiz yo’q,
O’ladigan ahmog’ingiz yo’q,
Meni yomon ko’rgan odamlar.

Sizga uka, aka, jo’raman,
Duoingiz qilib yuraman.
Men sizlarni yaxshi ko’raman...
Meni yomon ko’rgan odamlar.

Mushuk yotar – sher xayolida,
Kiyik tutib yer xayolida.
Men yurovdim she’r xayolida
Meni yomon ko’rgan odamlar.

Bolangiz yurt uchun yashasin,
Dushmanga ham jonin to’shasin,
Farzandingiz menga o’xshasin,
Meni yomon ko’rgan odamlar.
Категория: SmS Do'stlik | Просмотров: 1056 | Добавил: Admin | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]